有個高高瘦瘦奄悶中年男人，入親嚟都講好多野。成鬼日就叫我睇佢頭皮，覺得個頭好痕好油。我次次就帶對手套係咁摷亂佢個頭。佢頭皮都好健康，頭髮乾乾爽爽。最多見得一兩粒暗瘡。每次摷亂晒佢就覺得好滿足好安心。呢啲係乜嘢變態行為我唔想知道。
男人到中年當然開始甩頭髮。佢個河童頭都唔係太嚴重。佢話成日去日本旅行，問會唔會啲輻射令到佢甩頭髮。其實純粹係你年紀開始大，本身頭髮又唔濃密，D男性荷爾蒙多嘅咪甩頭髮囉。接受左呢個事實佢啦。u r just frigging balding. 唔好賴黎賴去。你係咪會少啲去日本呀？唔係呀嘛～～ 同埋就算你好多頭髮你都係唔靚仔。結埋婚有埋個小朋友咁都OK啦。你咁嘅樣+咁嘅性格你老婆都接受你，都好幸福㗎啦。
單身嘅讀者們，你哋加油啊！#誤
～～～
有冇人試過士多啤梨味薯片？呢個我冇勇氣試～～～
Search